lunes, 4 de agosto de 2008

Llueve

No llueve, la verdad, pero...



Tu staje malata e cante,
tu sai murenno e cante...
So' nove juorne, nove
ca chiove, chiove, chiove...
Giesù, ma comme chiove!
E se fa fredda ll'aria,
e se fa cupo' o cielo,
e tu, dint' a stu ggelo,
tu sola cante e more...
Chi si'? Tu si' 'a canaria!
Tu si' ll'ammore
ca pure quanno more
canta canzone nove...
Giesù, ma comme chiove!
E chiove, chiove, chiove...

Fenesta ca lucive e mo' nun luce,
segn'è ca nenna mia stare malata!
S'affaccia la sorella e me lo dice:
"Nennella toja è morta e s'è atterata!
Chiagneva sempe ca durmeva sola,
mo' dorme cu li muorte accumpagnata!
Va' dint' 'a chiesa e scuorpe lo tavuto,
e vide nenna toja comm'è turnata.
Da chella vocca che nasceano sciure,
mo' nasceno li vierme, oh che pietate!"
Zi' parrocchiano mio tienece cura,
na lampa sempe tienece allummata:
mo' dorme cu li muorte accumpagnata!
Addio, fenesta, restate nzerrata,
ca nenna mia mo' nun se pò affaciare:
io cchiù nun passarraggio da sta strata,
vaco a lu Campusanto a passiare:
nzino a lu juorno ca la morte 'ngrata
mme face nenna mia ire a truvare!
Mo' dorme cu li muorte accumpagnata!

Accordone - "Chiove" (L. Bovio)
"Fenesta ca lucive" (Anónimo)
Marco Beasley, canto
Guido Morini, piano